Mere Dost

Chalo to aaj maine faisla kar hi liya ! zindagi me pahli baar maine logon ko sangathan se bahar kiya varna meri aadat rahi hai Sangathan chhod dena. Maine eis baar bhi aisa hi kuchh socha tha magar kya kiya jaye jab mera istifa manzur nahi hua aur sangathan ka dabao bhi raha so maine apna sangathan jhhad diya achchhi tarah ……………. Ab mai nishchint hun ki mai ab sanghthan me behtar logo ko la sakunga. Mujhe aaj bhi lagta hai maine aisa kiyo kia mujhe alag ho jana chahiye tha magar phir tasalli eis baat ki hoti hai ki mai ne waqt diya jab log udasin rahe to kuchh to karna hi tha dus din tak notice taiyyar karke bhi nahi bheji taki kuchh hal nikal aaye aur mai sangathan chhod kar alag ho ja sakun magar aisa nahi hua , to mujhe apne hatho hi unlogon ko baher karna pada jo sangathan per bojh the. Humen kaam karna tha aur samajik jivan me timing ka bada mahatav hota hai so kuchh to karna tha…………………………………..

Mujhe pata hai jo log bahar gaye wo mujhe dang se nahi samjhe the unka man na tha ki mai jis tarah pesh aata hun waise mai kathor faisle nahi le sakta magar sach to ye hai ki jabtak aap mere sath ho tab tak mujhse behtar insaan shayed hi mile magar mere sath nahi to mai aapke astitv se bhi inkaar karta hun
Mai social nahi mai dost nahi rakhta Zyada logo ka group nahi banata Shadiyon ya partion me nahi jata kiyoki mai apna her waqt apne uddeshon me lagana chahta hun, Haan dukh hai Zarur hai aakhir maine do saal unlogon ko diye . unse baten ki ghanton unke sath raha samajik jivan ke tips diye eke k kutniti aur karyaniti batai taki wo meri jagah le sake, unki vyaktigat samsyaon me laagatar unke taraf se sochha Afsoos to hai magar khushi bhi ki job hi prinaam nikalna tha jaldi nikal aaya aur maine sirf do saal hi lagaya Ye bhi hai ki mai 24 saal ka hun aur eisliye maine abhi tak job hi kiya usme do saal bahut mayne rakhte hai, magar mujhe khushi eis baat ki hai ki un sathiyon ka ye rang aage chal kar hota to kya hota. Ab mujhe un do saalon ko pura karne ke liye mujhe lagataar kaam karma hoga. Aur mai karunga. Kiyoki vyaktigat bhawnao ka hona achchhi baat hai magar so kahin achchha hai samagr bhawna ka hona

Wo jabtalak tufano se darta raha
Ashk banke palko se chipka raha
Wo sochta hai bahadur hai wo
Aaj qatil humen bata raha hai.

Raj satta aur raj droh !

Log jinke sataye huye hai wo satta pe chhaye huye hai
Paap karte hain! Paapi nahi hain Ye to Ganga nahaye huye hain.
……………………………………………………………………………………………..
Gujrat sarkar ne do perkaron per rajdroh ka mukadma dayar kiya. Dono petrkar bade pertisthit angregi akhbar se hain. Aur un per aarop hai ki unhone ek puliye ke khilaf akhbar me likha. Aur wo pulisiya adhikari NAMO NARAYAN(Narendra Modi ko aisa hi kuchh kahte hain) ke dularua the So ye rajdroh ho hi gaya. Tab bhai Vasundhra ji kaise pichhe rahti aakhir Maharani hain unki hukamuduli ki saza to maut honi chahiye unhone bhi “Lutere” Gujjaron ke Neta bainsela ke khilaf rajyadroh ka mukadma aayed kar diya……………….

Satta ke mad me chur hokar dharm jaati aur kshetrvad ki ye rajniti koi nai baat nahi. Humara Itihas bhara pada hai aise udahrano se. Rana sanga jab Baber ko bharat per akarman ki dawat deta hai to aasha rakhta hai ki baber Rajya jeetkar use saup de magar jaise hi wo khud raj karna chahta hai videshi ho jata hai…………………

Maharastra me bhi ek Mahanubhav hai ek Cartoonist se shuru hua unka safar ab ek karodpati Bala sahib ka hai unhone ne Maharastra walon ka kya bhala kiya Pata nahi Magar Bal Thakre se Bala sahib thakre zarur ho gaye. Aur bakaul ek purw loksabha adhyaksh Kanun se upar bhi. Unke raste per ab Raja sahib Thakre bhi hain. Unki Aan baan dekh kar lagta hai hum loktantrik desh me nahi kisi Raj-shahi me ji rahe hain. Ye tamam baton per apne vichar rakhte hain ye chahte hain ki koi einki bhawna ko thes na pahuchaye magar einka dhandha dusron ki bhawna se khilwad hi hota hai. Ye wo Narpishach hai jo aam aadmi ka khun khud unke hathon nikalwa kar pite hain.

Namo ne to had kar di satta ke gharur me ek saal ke liye Gujrat ko Desh se alag karne ki baat kah di. Shayed juniar Lauhpurush ye bhul gaye ki Kar lene dene ki perkirya aur vikaswadi batvara hi desh ki akhandta hai. Kashmir se lekar kanyakumari tak ke akhand Bharat bhumi me vas karne wala koi aam nagrik agar apne vikas aur bhagidari se asantust hokar aawaz uthaye to aise hi sanki aur apna ullu sidha karne wale log use gaddar batane ke liye pani pi pi kar chillate hain. Magar khud hi us akhandta ke khilaf bolte hain. Ye besharmo ki wo katar hai jo Khud to nangi hai hi dusro ko bhi nanga karna chahti hai.

Hamesha se satta ke Dalal rahe ye log janta ki kurbanio aur preshaniyo se zara bhi matlab nahi rakhte. Shahar me hone wala her Balatkar Her hatya einhe rajniti ka Mohra dikhta hai, Ye janna chahte hai ki pidit kaun hai koi Hindu koi Musalman ya koi sikh ya koi eisai……….taki Roti sek saken.
Magar her Maut ek priwar ko kitna sadma deti hai ek Ladki se hone wala balatkar se hua sadma Mayne rakhta hai.aur ye dard Mazhab nahi dekhta. Rajniti agar lok niti nahi ban pati aur aam Nagrik Dard ka aapsi rishta bana pate to yakinan hum Aazadi ke asli chehre se Mahrum ho Rahenge.
Aaj jab ki hum khud ko Vikas ki daud me sabse aage hone ke sarkari dawon per khud ko suvidha sampann man rahe hain tab aur dukh hota hai ki sarkar ke us aakde per humari nazar kiyo nahi jaati jo kahta hai ki Aaj bhi desh ki 70 pertishat aabadi ki pertidin ausat aay Matra 20 rupe hai. Tab hum kiyo nahi sharmate.
Aur yahi 70 pertishat aabadi hi asli bharat hai ……………………………………………….

Globlization, Urban society and sex values (Roman/Hindi)

…………………. badalti yaun manyatayen

Aaj ki surkhiyon me do news thi ek to Sucheta anad ko atmahatya ke liye uskane ke aarop me uske dost aur co- pilot arjun ki girafftari Aur dusri Uday bharti ki hatya ke aarop me uday ki premika aditi aur aditike dost perveen khandelwal ko umrkaid
Dono hi mamle rishton ke davand se upje asantosh ka karan hai. Sucheta vivahit thi magar phir bhi atmhatya se pahle apne dost ke sath ek hotel ke kamre me 15 ghante guzarti hai, wahan kya hua aur sucheta ne atmhatya ka rasta kiyo apnaya eiska anuman lagana uski atma ko dukh dena hoga. Magr sare halat to kuchh bharam zarur paida karte hain. Bharam rishton ke tutne aur banne ki perkiya per………
MAgar aditi ka to saaf hai ki usne apne purv premi ko raste se hatane ke liye naye premi ke sath mil kar uday ko zahar dekar maar dala ! ye khabren nai bhale nah on magar haal ke varsho me badi zarur hai, Rishto ke mayne badle hain. Vishwash, prem samarpan jaise shabd kalpna jaise hote ja rahe hain. Aaiye rishton ke eis davand ko samajhne ki koshish karen.
Bhumandali karan ke dabawon ne apna asar dikhana shuru kar diya hai. Unmukt upbhoktavad anek dawando aur samasyao ko samne laya hai! Mansik tanao, Aatm-hatya, vaishyavirti, apradh, yaun apradh, parivarik vighatan aur vivah jaisi sansthaon ka arth khona ye sab eiske tohfe hain.
Aaj samaj ki dharnayen aur Manyatayen badal rahi hai. Ab sex nahi surakshit sex mudda hai. Ab laigik sambandon per nahi samlaingik sambhandon per bahas hoti hai.
Anbeyahi Maa, vivahetar sex, porn photos aadi jiske virodh aur samarthan me tamam tarah ke tark samne aate rahe hain.
Aaj asthapit muly manyatayen aur pertiasthapnayen lagatar badal rahi hain. Yurup me ek samajshastriye shodh me samne aaya hai ki 70 pertishat shadiyan sankatgarast hain. Adhikansh log ek aurat aur ek purush ke sidhant ko aswikar karte hain. Tatha lonar jiwan shaili ke himayti hain. 10 pertishat ka manna hai ki avivahit hone se yaun sathi ka chunao vayapak hota hai aur vaykti sharirik awam Bhawnatmak aur mansik thahrao tatha punarvirti ke ghere se bahar aata hai! Eisi soch ka parinaam hai ki sanchar takniki daur ki Mahilayen vivah ke bina hi bachchon aur sex ka pura anand le rahi hain. Apne computer per virtual children tatha sex sathi viksit kar leti hain. Bhawnatmak rup se judkar unse hi Manovaigayanik santusti pati hain. Aaj ein sab chizon ki samajik svikarita bhi badi hai aur Naarivadio ne rudivadi paramparao per zabardast chot ki hai jis se anek yaun varjanao aur bandhanon ko podne ke safal peryas huye. Humara desh bhi kahin pichhe nahi magar asthaniye “sanskar” aur “sanskiriti” ki duhai ne ek ajib dorahe per la khada kiya hai. Aur eisthiti hai ken a ugalte banta hai na hi nigalte!
Shahri sampanta aur vilasta ka garibi aur abhavgrastta se aamna-samna nagriye samaj ki ek permukh visheshta hai. Hamare mahanagron me aise drishya khub dekhe jasakte hain jahan ek sadak ke taraf aisho-aaram wali aalishan attalikayen hain wahin dusri taraf jhhugi jhopdiyon ki lambi kataren. Shahron ki ye vilasta aur aabhaogarastta ka aamna-samna kundha ko janam deta hai shoshan aur apradhon ka karan banta hai. Nagriye sabhyata sirf garibon vanchiton ke sath hi ye sab nahi karti balki wo amiron ko bhi apne chapet me usi tezi se leti hai aur unme deron samajik vikriti paida karti hai! Nirankush pertispardha yaon apradho, taskari vilasta aadi ko janam deti hai. Eisse bhi aage bad kar perdushan, prakitik sansadhanon ka vinash aur aabho ko paida karti hai.

Ø Teen bachchon ki maan premi ke sath pharar
Ø Mama bhanji ke sambandh bane kalah ka karan
Ø Premi ke sath milkar pati ki hatya
Ø Prem me roda bani to patni ko raste se hataya
Ø Sharabi pita ne karaya patni aur beti ke sath samuhik durachar
Ø Malkin se sambhandh bane kirayedaar ki maut ke karan
Ø 8 varshiya bachchi ke sath makan malik ne kiya kukaram
Ø Amarmani ke bachche ko janam dene ki tivr iksha bani madhumita ke maut ka karan
Ø Shabina ko uske naye pati ne dus hazar me kharida tha
Ø Dost hi patni ko le uda

Ye sab dilli ke samachar patro ke chhote patle shirshak hai jinhe sansani walon ke liye chhod kar hum aage badh jate hain. Uparukt sabhi asamanya ghatnayen gahan adhyan anusandhan ki mang karti hai! Sawal tab aur persangik hojata hai jab navi class ki chhatra reeya ke pita jasus ko lakho rupya eis khoj ke liye deta hai ki eiski beti ne jebkharch do hazar se bada kar dus hazar kiyon kar diya aur pata hai ki chhoti riya ke apne se kafi bade vyakti se yaun sambandh hai jiski madad ke liye usne apne gahne bhi bech dale.
shadi ke pandarah saal bad char santano ki maan hone aur khate pite ghar ki malkin hone ke bawajud bhi kiyo bhagi?
ein sanvedanshil aur gambhir ghatnaon ko garibi ka karan batana, prem samveg ya bhtkaw matra jaisi halhi baten wo bhi wahan Jis samaj me her aadhe ghante baad balatkar hota ho, karna uthle aur betuke tark honge (balatkar yaun utpidan aur chhedchhad jaisi sabse zyada huyi ghatnayen dilli me huyi, aur eisme bhi dilli me hui chhoti bachchio ke sath huyi ghatnao ke 80% me unke abhibhawak hi the)
ab aisi halat me eise bimar mansikta wale samaj (Sick Society) se zyada kya kahenge?

Bhale hi hum baal-vivaho ke purzor samarthak rahe hon, khajuraho ke bhitti chit kitne hi shauk se banwanye hon, Bhale hi devdasiyon ko dharmik manyata dete hon aur anek yaun sambhandhon ko andekha karte hon Chahe hum kitne hi khokhle rahe hon per humne kabhi bhi yaun aachran per khulkar bolne ko svikar nahi kiya! humari Samajik sanrachna ne mahilao ko parampara aur mulyon ki pehredar banakar bitha diya natijan. Natijan mahilao ki yaon abhivaktio per kade niyantaran laga diya. Humare samajik mulyon aur manyatayen bhi vaivahik sambandhon se zyada privarik ekta ko protsahit karte rahe aur kamvirti ki abhivaykti ko varjit mante rahe! Eisi ka prinaam hai ki samaj me yaun ichhao ka daman hota raha aur samaj me yaun varjanyen palne vale purushon aur maun rup se kunthit mahilao ka duschakra mazbut hota gaya. Prinaam swrup samaj sex ki visphotak eisthiti me hamare samne khada hai! Ek sarvekshan me svikar kiya gay ki 11% mahilayen pati ke alawa kai sahvas sahyogi rakhti hai(pati ke mitr, rishtedar, daftar ke sahyogi aadi) 13% mahilayen anal sex pasand karti hai. 25% pornography. 25% Naye aasano me sex karma pasand karti hain. Wahi 13% mahilayen apne se kam umr ke purusho ke sath sex ki iksha rakhti hain. (INDIA TODAY)

Abhi tak nagriye samaj me sex anusandhanon me eis tathya ki pusti huyi hai ki yaun aakankshao me sari varjaon ko todne ki kshamta hai. Avivahit ab sari varjanao ko taak per rakh jamkar romance aur sex kar rahe hain, vivahit mahilayen bhi damptya such me aaye basipan ko dur karne ke liye per-purushon se rishte bana rahi hain. Aadhunik mahilayen dero purush mitr rakhti hain! Group aur samlingi sex karti aur svikarti hain. Bagair prem aur samarpan wala sex pasand karti hain! Apni deh bhasha ko kamuk banana ke liye edi choti ka zor lagati hai. Vaishvikaran ke daur me phalta-phulta bazaar aur beauty parloron ka jaal eiska gawah hai.

Nagriye samajon me atyadhik prishram aur ati karyakushalta ke vatavaran me Insani Rishte ahat huye hai! Mahanagriye khalbali bhari jivan me santulit dhang se rahna, Aavas ki eisthiti, karya asthalon ki eisthitiyan, avagaman ki eisthitiyan aadi asambhav hain .

Darasal nagriye samaj me tezi se privartan ho rahe hai 1950 me ye sirf aabadi ka 30% tha wahin ab 48% se upar jaa raha hai! “vishv abadi ki eisthiti” namak report me bataya gaya ki nagariye aabadi ka ye phailaaw tisri duniya ke deshon me kendrit hai. Vishv ke 20 bade nagron me se 15 tisri duniya ke deshon me hain. Tisri duniya ken nagar chinta ka ek bada karan bane huye hain ki ye sanskritik visphot kya karega?
Ye visphotak nagrikaran garibon Daliton aur mahilao ke liye kaun se naye avsar aur chunautiyan parstut karega?
Kya ye samaj apne lakshon kop rapt karenge?
Kya ein samajo ka taana bana bikhar jayega?
Maujuda halat to abhi lambe anubhavon aur anusandhano ki mang kar rahi hain.

Nagrikaran ke perbhav se vivah privar aur natedari jaisi sansthayen kamzor huyi hain aur einki sansthanik vishvasniyata khatam huyi hai. Yahn manviya rishton me naye peryog karne ki aavashyakta hai! Prem, naitikta, samajik rishte naate jaise purane vichar ghutne tek chuke hain. NAyi manyataon aur mulyon ke dabao samajik sanrachna me aspast dikhai dene lage hain. Purane mulya aur manyatayen nirdharit ho chukin ab naya samajik sanskritik darshan ubharega aur nayi manavta tatha naitikta janam legi! Magar satahi halat badi daravni hain jo vyaktikta aur svarth per aadharit pertit hoti hai. Magar ye sab hokar rahega

Yadhpi ye sach hai ki yaun abhivayktiyon per samajik perda sanskiritikaran ka ek rup raha hai. Aur humara samaj abhi jabki eis eisthiti ke charam per pahucha bhi nahi tha ki yaun sambandhon ka ye rup aa jana pure samaj ke liye ek sankarman kaal hai.

(Shafique for cheer-up group for study n intervention)